Фудбалската репрезентација на Македонија до 21 година беше далеку од некакво изненадување на гостувањето во Италија каде го запиша четвртиот пораз во низа во квалификациите за ЕП и петти вкупно.

Избраниците на селекторот Станиќ не можеа рамноправно да се спротистават на фаворизираниот домаќин кој по само три минути дојде до предност. Следуваа и уште неколку шанси пред нашиот гол, меѓутоа резултатот во првиот дел не се промени.

Прашањето на победникот беше решено во првите минути од второто полувреме кога Липани и Екатор се погрижија за водство на домаќините од 3-0. Македонија во текот на целиот натпревар не успеа посериозно да се закани.

Кога е табелата во прашање шансите за некаков поголем успех се загубени од претходно, а воследниот натпревар за пет дена ќе играме против Ерменија повторно на гостински терен.