Мајкрософт ја затвори својата социјална мрежа Линкедин во Кина

Линкедин/ Фото: МИА

Мајкрософт ја затвори својата социјална мрежа Линкедин во Кина, со објаснување дека почитувањето на тамошните правила станало преголем предизвик, објави Би-Би-Си.

„Се соочуваме со значително поголеми предизвици во работната средина и се поголеми проблеми во усогласување на работењето во Кина”, напиша потпретседател на Линкедин, Мохак Шроф, на својот блог.

Линкедин беше единствената голема западна социјална мрежа достапна во Кина.

Кога започна со работа во таа земја во 2014 година, Линкедин се согласи со барањата на тамошната влада, ветувајќи дека ќе ја врши својата работа транспарентно. Но, Линкедин објави дека не се согласува со цензурата што ја спроведува кинеската Влада.

Овој потег на Мајкрософт дојде откако Линкедин беше критикуван за блокирање на профилите на неколку новинари.

Линкедин ќе покрене друга верзија на својата платформа подоцна оваа година, наречена ИнЏобс (InJobs), која ќе биде специјализирана само за работа.

Сепак, платформата нема да вклучува социјални содржини, ниту корисниците ќе можат да објавуваат и споделуваат содржини.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот