Луѓе и судбини: Син се качил на прозорецот од ковид – болницата за да се збогува со својата мајка
Неговата фотографија се појави минатата недела на социјалните мрежи и предизвика бројни реакции.
Приказната за Палестинецот Џихад ал Суваити (30) го обиколи светот и потресе многу луѓе.
Бидејќи мајката му била хоспитализирана поради коронавирусот, а посетите не се дозволени, седнал на прозорецот од болницата за да ја глед.а
Расми Суваити (73) починала минатиот четврток, недолго по „посетата“ на својот син.
На овој необичен, но и тажен начин, Џихад се простил од својата мајка.
The son of a Palestinian woman who was infected with COVID-19 climbed up to her hospital room to sit and see his mother every night until she passed away. pic.twitter.com/31wCCNYPbs
— Mohamad Safa (@mhdksafa) July 18, 2020
„Седев беспомошно на прозорецот од собата за интензивна нега, гледајќи ги нејзините последни моменти“, рече тој за локалните медиуми.
„Џихад е најмладото дете и бил многу близок со мајката, посебно по смртта на нашиот татко пред 15 години. Мајката боледуваше од леукемија, а пред неколку недели беше тестирана позитивно на ковид-19. Кога дозна за нејзината смрт, Џихад беше многу вознемирен. Но сега се чини дека се помири со тоа“, рече неговиот брат Расми.
Неговата фотографија се појави минатата недела на социјалните мрежи и предизвика бројни реакции. Еден карикатурист дури ѝ посвети и илустрација.
