Репрезентативецот на Македонија, Љупче Дориев, потпиша нов договор со узбекистанскиот фудбалски клуб Согдијана до 31 декември 2030 година.

Дориев е најдобриот голгетер на Согдијана веќе неколку сезони и се смета како најдобар фудбалер на клубот, од фановите на Согдијана.

Нашиот играч кој го облече дресот на клубот во летото 2023 година, брзо стана миленик на навивачите и еден од водечките играчи на тимот.

Досега, тој играше на 74 натпревари во Суперлигата на Узбекистан, со постигнати 38 гола и асистираше на 21 погодок.

Согдијана по 11 кола во шампионатот се наоѓа на претпоследното 15 место со девет бодови. Дориев моментно е прв стрелец во првенството со седум голови, а има и две асистенции.