Денеска во својот трет натпревар од главната фаза во групата 3 од Лига Европа, ракометарите на Вардар 1961 на домашен терен со 33:27 ја совладаа Бенфика и така обезбедија најмалку пласман во осминафиналето, иако постојат шанси да се најдат и на првата позиција, која носи директно место во четвртфиналето.

По првото полувреме македонскиот претставник имаше предност 15:14 против Португалците пред полните трибини во СЦ „Јане Сандански“ во Скопје.

На денешниот меч прв стрелец кај победникот беше Малус со девет голови, еден помалку запиша Воркапиќ.

На спротивната страна по пет погодоци имаа Франка Силва и Мореира Алмеида, а по четири имаа Валенсија и Табоада.

Ова е важен триумф за играчите на тренерот Иван Чупиќ и моментно се на првото место во групата со шест бодови.

Шест бодови на втората позиција има и Мелсунген, а по четири Бенфика и Кристијанштад.

Се одигра и вториот меч од групата, шведскиот Кристијанштад дома со 31:30 беше подобар од германскиот Мелсунген.

Следниот меч Вардар 1961 ќе го има на 10 март на гости кај Мелсунген.