Славниот германски напаѓач и најдобар стрелец на светските првенства, Мирослав Клосе ќе биде тренер на германскиот второлигаш Нирнберг.

46-годишниот Клосе со тимот на Нирнберг потпиша договор на две години и ќе се обиде овој тим да го врати во друштвото најдобрите во Германија. Во изминатата сезона Нирнберг од 18 клубови во втората Бундеслига заврши на 12. позиција.

Единственото искуство како главен тренер Клосе досега го имаше во Алтач од Австрија каде што на клупата помина 24 натпревари.

Работеше Клосе и како помошник тренер во Баерн во 2020 и 2021 година, а го водеше тимот до 17 години на гигантот од Минхен.