Ѕвездата на Милан, Рафаел Леао, неодамна откри кого би сакал да го види како партнер во нападот на „росонерите“, неговиот добар пријател и поранешен фудбалер на Јувентус, Моизе Кин.

Португалецот, кој често комуницира со фановите преку преноси во живо на Твич, доби прашање од еден од фановите дали Кин ќе се приклучи на неговиот следен стрим. Леао не само што потврди дека би сакал да се дружат на таков начин, туку отиде чекор подалеку со порака и до Милан.

„Би сакал… Би сакал да дојде и во Милан исто така! Го сакам Мозе, тој ми е брат и заедно би било лудо! Ќе ги згазиме сите“, изјави Леао.

Иако желбата на Леао е јасна, шансите Милан да го донесе Кин не изгледаат реални во овој момент. Напаѓачот е под договор со Фиорентина, каде откупната клаузула изнесува високи 52 милиони евра, а клубот е во преговори за нејзино зголемување или укинување во следната сезона.

Милан, кој активно бара засилување во нападот, моментално води разговори со Манчестер јунајтед околу евентуален трансфер на данскиот напаѓач Расмус Хојлунд.