Лапорта оптимист: Халанд од следното лето во Барселона!?
Претседателот на Барселона, Жоан Лапорта на вчерашното претставување на Феран Торес од Манчестер сити изјави дека сите треба да бидат подготвени за големо враќање на Барселона.
Навивачите на каталонскиот тим паднаа во голема еуфорија по зборовите на претседателот, а Лапорта денеска отиде чекор понатаму.
Зборувајќи оптимистично за шпанската „Марка“: „Ќе потпишеме со Халанд следното лето“. Она што може да влијае на евентуалниот трансфер во Барса се одличните односи со агентот на Норвежанецот, Мино Раиола.
Според „Билд“, Халанд следното лето во договорот ќе има откупна клаузула од 80 милиони евра, а Барса ќе има голема конкуренција од сите великани на европскиот фудбал кои веќе стојат во ред за потпис со напаѓачот на Дортмунд.
Joan Laporta: I’m going to sign Erling Haaland for Barcelona in the summer#laporta #Barca https://t.co/BRGWjeIo2j
— Msc Football (@FootballMsc) January 4, 2022
Исто така, она што може да им помогне на Каталонците е фактот дека Халанд би бил првата ѕвезда на Блауграна, но Лапорта и Чави сигурно ќе мора да најдат начин дополнително да го засилат клубот.
Халанд постигна нереални 76 гола и забележа 20 асистенции на 75 натпревари откако е во дресот на „милионерите“.