Eвропската фудбалска унија (УЕФА) би можела да ги исфрли шпанските клубови од европските натпреварувања, доколку политиката се вмеша во фудбалот.

Од УЕФА постојано ја следат ситуацијата во Шпанија, а претходно се најавуваше тужба од Барселона до националниот сојуз поради ситуацијата од „Ел Класико“ за која сметаат дека се оштетени за „чист“ гол. Оваа ситуација само би можела да донесе дополнителни проблеми за сојузот.

На УЕФА не и се допаѓа што Фудбалската федерација на Шпанија се уште не избрала нов претседател поради корупцискиот скандал во кој беше суспендиран Луис Рубиалес.

„ФИФА во последните години ги казни: Перу, ЧАД, Гватемала, Кенија, Тринидад и Тобаго и Зимбабве. По нив на ред може да биде Шпанија. Во Нион и Цирих беа изненадени по најавата за можната казна. Двете организации сметаат дека претседателот на Врховниот суд мора да даде објаснување за своите постапки. Последиците би можеле да се однуваат на настапот на репрезентацијата на Евро 2024 и СП 2026, како и суспензија на клубовите од европските натпреварувања“, пишува „Марка“.