Лапорт го пецна градскиот ривал: И Јунајтед троши многу пари, а не освојува трофеи
Дефанзивецот на Манчестер сити и на шпанската репрезентација, Ејмерик Лапорт, смета дека вложувањата на неговиот тим се покажаа далеку поисплатливи отколку тие на градскиот ривал.
– Можеби луѓето не се уморни од нас, но мислат дека е нормално секогаш да победуваме. Мислам дека освоивме 11 трофеи во последните четири години, тоа може да смета на некого, посебно на градскиот ривал кој не освои ништо. Тешко им е да го разберат тоа, но може да има само еден победник. А и тие потрошија многу пари – изјави Лапорт во интервјуто за „Гардијан“.
Шпанецот открива е дека очекувања се доста голема од играчите на Сити.
– Ние сме само луѓе и тоа јавноста мора да го разбере. Го победивме Јунајтед и загубивме од Кристал Палас. Тоа не се објаснува со пари, колку и да е скап еден играч, тоа не значи дека е најдобар. Ние сме лидери во Премиер лигата, имаме бод повеќе од Ливерпул, имаме најдобра одбрана, а сепак луѓето велат дека имаме проблем во одбраната. Поради тоа не сакам да помислам низ што минуваат играчите на Јунајтед. Понекогаш тоа знае да ги иритира играчите, но такво е општеството – додава Лапорт.