Курти: Реципроцитетот не е одмазда, туку принцип на добрососедски односи

Албин Курти, премиер на Косово

Косовскиот премиер Албин Курти изјави дека Косово останува посветено на целосниот реципроцитет за да обезбеди „еднаквост“ во односите со Србија.

Тој за агенцијата Економија онлајн рече дека реципроцитетот „не е одмазда“, туку „принцип на добрососедски односи и еднаквост“.

„Косово и Србија не можат да имаат нееднакви асиметрични односи, и затоа како независна држава, како влада, ќе се стремиме кон целосен реципроцитет што ќе донесе еднаквост на земјата во однос на нашите билатерални односи, и во рамките на овој реципроцитет фокусот треба да биде меѓусебното признавање, односно денот кога Србија ќе го призна Косово “, рече Курти.

Тој ги отфрли обвинувањата на опозициските партии дека наводно ги нарушува односите со САД поради откажувањето на проектот за гасоводот „Јужен тек“.

„Ние сме во постојан контакт со Американската Миленијум Челендџ Корпорејшн (MCC) i зборуваме за тоа како е најдобро да се искористат средствата во оваа фаза што ќе ни помогнат во нашите енергетски политики. Значи, ако рековме дека ни требаат повеќе информации и студии, тоа не значи дека сме одбиле, туку значи дека сме одговорни, американските фондови се добредојдени и посакувани, но нашата влада ќе ги искористи “, рече Курти.

По повод самитот ЕУ-Западен Балкан во Словенија, Курти рече дека го интересираат договори во кои Косово се третира подеднакво и од кои корист имаат граѓаните.

„Отворени сме и подготвени за најдобри можни соседски односи, каде што само Србија не не признава меѓу овие шест земји, а поради нејзиното влијание, и Босна и Херцеговина, исто така. „Интересно е што земјите од Западен Балкан кои се во НАТО го признаваат Косово, така што ние сме за договори во кои сме еднакво третирани и им помагаме на граѓаните“, рече Курти.

Видео на денот