Кунгуловски: Новите мутации на ковид-19 не треба да водат до паника, се гледа крајот на тунелот
Новата (новите) мутации во SARS-CoV-2 коронавирусот нити се неочекувани, нити треба да водат до паника. Како и секој вирус, така и SARS-CoV-2 кога се дели природно се појавуваат мутации, бидејќи процесот на делба е неперфектен, напиша на Фејсбук Ко-основачoт на лабораторијата за генетика и персонализирана медицина во клиниката „ЖАН МИТРЕВ“, Горан Кунгуловски.
Препорачано
-
1
-
2
-
3
Колку е опасен новиот вид на коронавирус кој почна да се шири во Англија?
– Досега се детектирани илјадници мутации, но само мал број од нив значајно и функционално го променуваат вирусот. За разлика од инфлуенца вирусите, SARS-CoV-2 акумулира мутации далеку побавно. Најчесто овие мутации за користат како индикатор (баркод, маркер) за следење на епидемиолошки особености, како на пример поврзаност и потекло на кластери и единки во кластерите- вели Кунгуловски.
Според прелиминарните извештаи, како што вели Кунгуловски, новиот сој во Велика Британија е дефиниран од 14 мутации и 3 делеции и изгледа како да води до зголемена преносливост на вирусот, но не и до негативно влијание на клиничката слика.
-Најзначајните од нив се во spike генот: N501Y којашто е на позиција во рецептор-сврзувачкиот дел (RBD) кој директно обавува контакт со ACE2 рецепторот и веројатно го зголемува афинитетот кон него. Делецијата 69-70del, нејзината улога не се знае. P681H мутацијата пак се наоѓа на furin-засечното место во spike коешто може да има улога во влезот на вирусот во клетките- вели Кунгуловски.
Тој истакнува дека, новиот мутиран вирус, не би требало да има влијание врз ефикасноста на вакцините на Pfizer/BioNTech и Moderna, но останува да видиме, вели Кунгуловски.
Д-р Никола Пановски: Новата мутација на коронавирусот нема да ја компромитира вакцинацијата!
-Убавината на овие РНК вакцини е што со истата технологија и ланец на производство и тестирање, теоретски може веднаш (или релативно брзо) да се направи вакцина за било кој нов сој што произлегува од мутации во Spike протеинот- вели Кунгуловски.
Ова се, како што вели Кунгуловски, прелиминари податоци и потребни се додатни студии и секвенционирања. Не треба да се паничи, се гледа крајот на тунелот.
