Кучето што усмрти дете во Пинтија не покажало агресивност- велат во Агенција за храна
Јавното обвинителство го превзема случајот во кој куче од расата булмастиф усмрти дете во Пинтија. Од Агенцијата за храна велат дека кучињата се уште се наоѓаат во Центарот за дресура на Министерството за внатрешни работи во Хиподром. Дали истите ќе бидат вратени на сопственикот не потврдуваат.
– Кучињата се уште се наоѓаат во Центарот за дресура на Министерството за внатрешни работи во Хиподром. Кучињата од расата булмастиф, кои на 11.04.2023 година учествуваа во несреќата во која до смрт беше искасано осум годишно момче во скопската населба Пинтија, по спроведениот надзор за болеста беснило и тестот за социјализација од страна на овластени лица од Агенцијата за храна и ветеринарство, не покажаа ниту знаци на болеста ниту агресивност- велат од Агенцијата за храна.
Од таму велат дека постапката по овој предмет, ја презема и ја води Јавното обвинителство.