Ураганот Мелиса и поплавите што ги предизвика може да ги иселат крокодилите од нивните природни живеалишта, предупредија здравствените власти на Јамајка, објави „Би-би-си“.

„Порастот на нивото на водата во реките, каналите и мочуриштата може да предизвика крокодилите да се појават во населени подрачја“, соопшти Југоисточната регионална здравствена управа.

Предупредувањето се однесува на жителите во повеќе области, вклучувајќи ги главниот град Кингстон, Сент Андру, Сент Томас и Сент Кетрин.

„На жителите кои живеат во близина на овие подрачја им се препорачува да бидат внимателни и да избегнуваат контакт со поплавените води“, се додава во соопштението.

Сите забележани крокодили треба да се пријават во Националната агенција за животна средина и планирање (NEPA).

На островот живее само еден вид — американскиот крокодил (Crocodylus acutus), кој најчесто се среќава во јужниот дел на земјата. Крокодилите имаат посебно место во јамајската култура и се прикажани на државниот грб.

Законот од 1971 година строго ги штити од лов, фаќање и вознемирување.

ВИДЕО | Американски воен авион влезе во центарот на ураганот Мелиса