Полициски службеници од Одделот за сузбивање на организиран и сериозен криминал заедно со СВР Охрид на 14 јуни 2021 на подрачјето на Охрид лишија од слобода две лица, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори”.

Од МВР денеска информираа дека против нив од страна на СВР Охрид е поднесена кривична пријава до Основното јавно обвинителство во Охрид, по што ќе бидат изведени пред судија на претходна постапка од Основен Суд Охрид.

– Имено, Одделот за сузбивање на организиран и сериозен криминал, работејќи на полето на сузбивање на организирани криминални групи кои вршат производство и недозволена трговија со наркотични дроги на национално и меѓународно ниво, заедно со полициски службеници од СВР Охрид спроведоа заедничка координирана акција на подрачјето на Охрид, при што во близина на болницата „Свети Еразмо” во Охрид беа пронајдени и запленети 1243 стебла Канабис сатива, соопштија денеска од МВР.