Странските медиуми објавија дека Кристина Ричи се обратила до судските власти со молба нејзиниот сопруг Џејмс Хердеген да не ѝ се приближува на помалку од 90 метри поради наводно семејно насилство.

Таа изјави дека некогаш морала да крие ножеви низ куќата, затоа што се плашела дека нејзиниот соруг може да ја убие, откако наводно рекол дека ќе му биде жал за неа само ако е „распарчена на делови“.

40-годишната актерка го обвини Хердеген дека наводно ја тепал, ја навредувал и ја фрлил кон каминот, предизвикувајќи ѝ посекотини и модринки, пред да поднесе барање за развод во јуни минатата година.

Адвокатката на актерката, Саманта Спектор вели дека нејзината клиентка поседува фотографии од повредите што ѝ ги нанел нејзиниот сопруг и дека е подготвена да ги достави до судот.

Судот го одобри барањето на актерката и му нареди на Хердеген да се држи подалеку од Ричи и нивниот син Фреди.

Адвокатот на Хердеген, Лари Бакман вели дека неговиот клент „недвосмислено ги негира сите обвинувања од г-ѓа Ричи“. Тој истакна дека Хедеген, кој работи како кинематографер, има намера да поднесе тужба против Ричи, за која тој тврди дека ќе го открие „нејзиното насилно однесување поттикнато од злоупотреба на алкохол и опојни дроги“.

Актерката тврди дека семејното насилство од страна на Хердиген започнало кон крајот на 2019 година. За време на семеен одмор во Нов Зеланд истата година, таа тврдеше дека се плаши дека Хердеген може да ја убие.

„Тој рече дека едиствено може да жали за мене ако ме распарчат на мали делови… Таа ноќ ги скрив сите ножеви во куќата каде што бевме сместени. Се плашев за мојот живот и животот на нашиот син. Спиев во посебна соба со Фреди со заклучена врата“, вели таа.

Кристина тврди дека Хердегн „брутално ја нападнал“ во декември 2019 година кога наводно ја претепал, плукал по неа и ја исмевал со „свински звуци“.

Овој инцидент било она што ја предизвикало актерката за нејзината одлука да се раздели од својот сопруг по осум години брак.

Ричи твди дека му кажала на Хердеген дека сака развод, но тоа било попречено со почетокот на пандемијата во март, кога за прв пат беа воведени карантините.

„Бев заглавена во куќата со човек што физички и емоционално ме малтретираше и знаеше дека сакам развод“, изјави таа.

Ричи тврди дека Хердеген „се фокусирал единствено на казнување и тероризирање“ кон неа и дека се плашела да заспие.

Тие се венчаа во 2013 година по две години врска, а се запознаа на снимањето на „Pam Am“.

Ричи поднесе барање за развод во јуни 2020 година, наведувајќи ги непомирливите разлики како причина зошто сака да го прекине бракот и единствено што бара е старателство над нивниот единствен син.