Графичкиот дизајнер и професор Лазе Трипков реализира 30-дневен циклус со кој преку серијата постови/постери „Креативни размислувања“ го изразува своето сфаќање на изолацијата наметната со пандемијата од ковид-19.

– Целата оваа состојба на карантин влијае врз нас на различни начини, но за еден уметник најзначајно е да остане чист и јасен во неговата мисла, идеја и визуелно изразување за да може да придонесе за заедницата, околината, па дури и за пошироката публика.

Циклусот ќе трае 30 дена, а секој ден е посветен на лична креативна рефлексија. Од една временска дистанца, тоа е сосема доволен период за да ги проследам сите промени, да се согледаат и моите лични процеси и разбирања на изолацијата, како и да напредувам и да влијаам на самиот себе преку дизајнот, објасни Трипков.

Сите досега направени постери од циклусот може да се најдат на фејсбук и инстаграм-профилот на Лазе Трипков.

(Текстот е објавен во „Културен печат“ број 29, во печатеното издание на „Слободен печат“ на 1-3 мај 2020)