Крцкави и вкусни — рецепт за стапчиња од лиснато тесто со пармезан
Крцкави стапчиња од лиснато тесто со пармезан и рузмарин се совршено предјадење или ужинка за секоја пригода. Се подготвуваат за помалку од 15 минути, а одлично одат со супи, сосови или со парче пршута, пишува „Пун куфер“.
Препорачано
Подготовката е многу едноставна, па рецептот е идеален и за почетници во кујната. Комбинацијата од пармезан и рузмарин им дава богат и ароматичен вкус, додека лиснатото тесто ја обезбедува совршената крцкавост. Највкусни се додека се уште топли.
Потребни состојки
- 250 г лиснато тесто (одмрзнато ако било замрзнато)
- 2 лажици маслиново масло
- сол по вкус
- свежо мелен црн пипер по вкус
- 1 лажица ситно рендан пармезан
- 1 лажичка сув рузмарин, ситно исечкан
Подготовка
Загрејте ја рерната на 200 степени.
Расукајте го лиснатото тесто тенко. Премачкајте го со маслиново масло, па наросете сол, бибер, пармезан и рузмарин. Нежно поминете со сукало за состојките подобро да се соединат со тестото.
Исечете го тестото на тенки ленти со ширина од околу 1 до 1,5 сантиметри. Должината прилагодете ја по желба.
Наредете ги лентите во тава обложена со хартија за печење, оставајќи мал простор помеѓу нив.
Печете во загреана рерна околу 8 минути, односно додека не станат надуени и златнокафени.
