„Кралот“ на колена: Панатинаикос по 13 години ја освои Евролигата
![](https://www.slobodenpecat.mk/wp-content/uploads/2024/05/12257554.jpg)
За првпат по 13 години и вкупно седми пат во својата историја, Панатинаикос ја освои шампионската титула во Евролигата.
Во големото финале Панатинаикос беше подобар од Реал Мадрид со 80:95. Реал Мадрид лани триумфираше во ова натпреварување, но сега не успеа да ја одбрани европската круна.
Реал Мадрид имаше предност по првата четвртина со 11 разлика, но во продолжение Панатинаикос ја стегна одбраната и до полувремето дојде на само четири поени негатива (50:54). Во цело второ полувреме на шпанскиот гигант му дозволија вкупно 23 поени.
Кошаркарите на Реал Мадрид тешко реализираа во вториот дел, па Панатинаикос започна да го трасира патот до победата. Костас Слукас беше најефикасниот со 24 поени, Нан додаде 21, а Лесор 21. На спротивната страна Муса постигна 17.
Претходно денес во натпреварот за трето место Олимпијакос го победи Фенербахче со 87:84.