По повод последните настани на северот од Косово, косовската полиција на официјалниот фејбук профил соопшти дека континуирано ја следи и оценува безбедносната состојба и соодветно ги презема неопходните мерки, зголемувајќи ги своите капацитети со цел обезбедување безбедност, одржување на јавниот ред и мир, заштита на животот и имотот, како и спречување инциденти и разни криминални дела.

„Ситуацијата е стабилна и контролирана од полицијата, но придружена со инциденти од различен карактер, во кои поединци или криминални групи водени од различни интереси вршат кривични дела со цел заплашување и нарушување на безбедноста на граѓаните во општините од северот на Косово“, се вели во соопштението на полицијата објавено на Фејсбук.

Полицијата додаде дека и покрај инцидентите, како што е вчерашниот „обид за тешко убиство и предизвикување општа опасност“ и денешното „заплашување“ на двајца новинари тие ќе продолжат со своите должности во интерес на одржување на редот и јавната безбедност. како и заштита на уставниот поредок на Косово.

„Во вчерашната престрелка е повреден припадник на косовската полиција, кој по укажаната лекарска помош е во стабилна состојба. Во останатите случаи нема повредени лица, освен причинета значителна материјална штета на објекти и возила. Косовската полиција спроведува интензивни истраги со цел да ги идентификува осомничените инволвирани во овие кривични дела, како и да ги изведе пред правосудните органи“, додаваат од полицијата.