Коронавирусот го одложи кошаркарскиот меч Ангели – Работнички
Комесарот за натпреварување, Александар Милојевиќ донесе одлука за одложување на натпреварот од 14 коло од Првата лига-мажи, Ангели-Работнички, кој беше предвидено да се игра на 29 јануари (сабота) во салата „Независна Македонија“ од 15.00 часот.
– Поради четири позитивни играчи од ковид-19 во екипата на КК Работнички, натпреварот помеѓу КК Ангели – КК Работнички се одложува, и истиот се закажува за 09.02.2022 година (среда) со почеток во 18.00 часот – пренесуваат од нашата кошаркарска федерација.
Од истите причини, претходно комесарот за натпреварување одлучи да го одложи натпреварот Феникс 2010-Пелистер, кој е дел од 14 коло од Првата лига-мажи.
Моментно на табелата во првенството води Пелистер со 26 бодови, три повеќе од второпласираниот МЗТ Скопје Аеродром.
В сабота од 18.00 часот Навикоа Академија ФМП се соочува со Кожув, во истиот термин се среќаваат уште ТФТ – Куманово 2009 и Гостивар – МЗТ Скопје Уни Банка, а од 19.30 часот МЗТ Скопје Аеродром е домаќин на Еуро Никел 2005.