Некогашниот шпански тенисер Алекс Кореча кој сега е коментатор за „Еуроспорт“ смета дека актуелниот шампион на Вимблдон, Новак Ѓоковиќ, е голем фаворит за зачувување на титулата и дека речиси нема кој да го победи на тревнатиот терен.

– Тој е актуелен шампион и мислам дека ќе биде супер-тешко да биде победен. Сервира одлично, ретернира совршено, се движи добро, игра длабоко – вели Кореча.

Ѓоковиќ е прв носител на Вимблдон што стартува в понеделник, а втор носител е Рафаел Надал. Новак и Рафа играа во четвртфиналето на францускиот грен-слем и победи Шпанецот, кој потоа и го освои турнирот. Сепак, Кореча смета дека тревната подлога му дава предност на Новак ако овие двајца се сретнат во финалето.

– Новак ја сака тревата. Сака да игра на трева и ја познава таа подлога многу добро. Знам дека не победи на Ролан Гарос, но тоа му беше како подготовка. Рафа одигра одлично и тоа ќе му даде стабилост – вели Кореча.

Според него обата тенисери не треба да мислат на евентуален меѓусебен двобој туку да се фокусираат на стратот на турнирот.