Старото клише вели дека секоја година во животот на кучето е еквивалентна на седум човечки години. Со други зборови, петгодишно куче би било како 35-годишен човек.

Сепак, реалноста е многу посложена. Стапката со која се развиваат кучињата се разликува од луѓето, а големината и расата на кучето играат значајна улога во нивниот животен век.
Луѓето достигнуваат зрелост на 18 години, додека кученцата остануваат кученца само шест до девет месеци (во зависност од големината и расата).

Периодот на пубертет кај кучињата обично трае од шест месеци до една година, што може да се смета како нивна тинејџерска фаза. Потоа доаѓа периодот на млади возрасни кучиња, кој трае од три до четири години, пишува „Саенс Фокус“ (BBC Science Focus).

Американското здружение на болници за домашни миленици верува дека последните 25 проценти од животот на кучето може да се сметаат за старост.

Обично се претпоставува дека ова се случува околу седумгодишна возраст, иако варира во зависност од расата (помеѓу пет и десет години).

Ако го земеме предвид очекуваниот животен век на човекот од речиси 81 година, седумгодишно куче би било еквивалентно на приближно 61 човечка година.

Различни раси на кучиња или мешавини на кучиња имаат различен животен век.

Неодамнешното истражување на речиси 2 милиони кучиња на повеќе од 1.000 ветеринарни клиники во САД покажа дека животниот век на кучето при раѓање е 12,69 години. Ова е малку повисоко од претходното истражување во Англија, кое беше 11,23 години, и пониско од друго истражување во САД кое покажа дека е 15,4 години.

Сепак, има многу фактори во игра.

Женките живеат малку подолго од мажјаците, а помалите кучиња значително подолго од големите кучиња – едно истражување покажува дека малите кучиња живеат 16,2 години, додека големите кучиња живеат 12 години.

Општо земено, мешаните раси живеат малку подолго од чистокрвните кучиња, иако некои расни кучиња имаат долг животен век (како што се Чиваваите).

Врз основа на овие податоци, можеме да заклучиме дека едногодишно куче може да биде еквивалентно на осумнаесетгодишен човек, по што односот 1:7 има повеќе смисла.

Исто така, постојат биолошки пристапи кои се користат за да се разбере возраста на кучињата.

Како што старееме, епигенетските промени се случуваат во нашата ДНК како резултат на процесот познат како метилација. Научниците ги истражувале овие промени во нуклеинската киселина (наречени метиломи) кај 104 лабораториски ретривери и ги споредиле со оние кај луѓето.
Овде врската не се однесува линеарно.

Резултатите ни дадоа поинаков калкулатор: да ја пронајдеме човечката возраст на кучето, да го земеме логаритамот на неговата возраст, да помножиме со 16 и да додадеме 31.
Овој пристап најдобро функционира на краевите на старосниот спектар и е помалку прецизен за средниот век.

Врз основа на епигеномот, овој модел вели дека осуммесечно кученце е еквивалентно на деветмесечно бебе, а дванаесетгодишно куче е приближно еквивалентно на седумдесетгодишен човек.

На пример, едногодишно куче е еквивалентно на триесет и едногодишен човек, двегодишно куче е малку повеќе од четириесет, седумгодишно куче е еквивалентно на шеесет години, а четиринаесетгодишно куче е еквивалентно на осумдесетгодишник.

Се разбира, овие резултати ќе се разликуваат за различни кучиња.
Ако оваа информација изгледа малку депресивно затоа што вашето куче е постаро отколку што мислевте, знајте дека подолгиот животен век е поврзан со тоа што вашето куче има здрава тежина, па следењето на тежината на вашето куче може да помогне (консултирајте се со вашиот ветеринар за совет).
На пример, нормалната тежина за ретривер овозможува животен век од 13,6 години за женки и 13,3 години за мажјаци, додека прекумерната тежина го намалува на 13,0 и 12,7 години, соодветно.
Почестите стоматолошки прегледи, исто така, се покажаа дека се поврзани со подолг животен век, но не е јасно дали тоа е одраз на подобра целокупна здравствена заштита или е поврзана исклучиво со стоматолошка заштита.
Значи, пресметувањето на возраста на кучето во човечки години е покомплицирано отколку што може да се мисли, а неделите и месеците на кученцата се сметаат како значаен фактор, иако тие летаат додека да трепнете.