1 C
Скопје

КОЈ ГИ ЧУВА БОРЦИТЕ ОД ИСЛАМСКА ДРЖАВА? Над 10 затвори со милитанти останаа без надзор во Сирија

Турската офанзива во Сирија остави најмалку 12 затвори со милитанти од Исламска држава без надзор, рече рускиот министер за одбрана Сергеј Шојгу, предупредувајќи дека стотици од избеганите борци би можеле да се вратат во нивните родни земји, објави „Москва тајмс“.

Турција започна воена операција против Курдските борци на североистокот од Сирија претходно овој месец, откако американскиот претседател Доналд Трамп ги повлече трупите на САД од регионот. Експертите предупредуваа дека турскиот напад би можел да биде шанса илјадници борци на ИД да избегаат од затворите кои беа надгледувани од Курдските сили.

– Осум кампови за бегалци и 12 затвори за борци од странство се оставени без надзор и стража како резултат на делувањето на турската армија. Ова би можело да предизвика наплив на терористи и таканаречена обратна миграција во нивната татковина – изјави Шојгу за ТАСС.

Прочитајте и...  Министерот за правда Маричиќ ги налути пратениците на ВМРО-ДПМНЕ: Го обвинија за потпалувачки говор

Зборувајќи на безбедносен форум во Пекинг, Шојгу рече дека Исламска држава „значајно го зголемила влијанието“ во Азија, вклучувајќи ги Индонезија, Малезија, Сингапур, Филипините и дел во Тајланд, по нивниот пораз во Сирија.

– Само пред неколку години, тероризмот не претставуваше сериозна закана за земјите во Азија и Пацификот – додал Шојгу.

Руските медиуми претходно објавија дека дузина руски жени се заробени во камп за поранешни борци на Исламска држава во северна Сирија и барале помош од Москва.

Во меѓувреме, Турција ги отфрли тврдењата дека нивната офанзива би можела да доведе до бегање на поранешните борци на ИД или враќање на џигадистичката група во Сирија.

Поврзани вести

Стоилковски: Цел регион се вакцинира, само Македонија извиси

Арсовски: Коста Петров троши 200 илјади евра за себепромоција

Соња Христовска Угриновска

Приведено лице за реметење на редот на паркингот на Клинички

Полард: Годинава ќе има многу нови мутации на коронавирусот

Слободен печат

Уапсен охриѓанец во чиј клуб полицијата затекнала Русинки и Украинки „на црно“

Слободен печат

ОН: Поради пандемијата лани имало два милиона помалку бегалци

Слободен печат

Остави Коментар