Судијата Ентони Кели на сослушувањето со адвокатскиот тим на Новак Ѓоковиќ одлучи да ја пренесе одлуката на Федералниот суд со цел да се стави крај на случајот.

Ѓоковиќ најдоцна во недела дефинитивно ќе знае дали ќе остане или ќе ја напушти Австралија, а одлуката ќе ја чека во притвор.

За жалбата на неговите адвокати ќе одлучува Федералниот суд на Австралија. Судијата ова го направи за да се донесе одлука што поскоро, уште во недела, и да избегне дополнителни жалби.

Во сабота со српскиот тениски ас ќе разговараат официјални лица, а од 10 до 14 часот (00:00 и 04:00 часот по македонско време) ќе може да биде со своите адвокати.

Потоа ќе биде префрлен во притвор за имиграција каде ќе остане до сослушувањето во недела. Адвокатот на министерот за имиграција, кој му ја укина визата на Ѓоковиќ, предложи Новак да биде однесен во адвокатската канцеларија во осум часот (22.00 часот по македонско време) за да подготви жалба и да биде приведен напладне по локално време (02.00 часот по македонско време) до сослушувањето кое треба да биде во недела.

Хронологија на „случајот Ѓоковиќ“

На крајот, постојат три можни сценарија на овој случај, според австралиската новинарка Карен Свини. Првото сценарио е Новак биде успешен во жалбата и одлуката биде укината за да може да остане да игра на „Австралија опен“ кој ќе стартува во понеделник.

Второто сценарио е да му ја одбијат жалбата и го депортираат, додека третото сценарио е доколку жалбата на Ѓоковиќ помине, тогаш ѝ се остава шанса на австралиската Влада да се жали на одлуката. Тогаш судијата ќе одлучи дали ќе оди во притвор за имиграција или ќе може да игра на Австралија опен додека не заврши постапката.

Ѓоковиќ и невакциниран ќе може да игра на Ролан Гарос

Морисон за поништувањето на визата на Ѓоковиќ: Австралијците направија многу жртви за време на оваа пандемија