КЛАСИКА ВО ДОРТМУНД: Германија водеше, Аргентина успеа до реми! (ВИДЕО) – Слободен печат
СпортФудбал

КЛАСИКА ВО ДОРТМУНД: Германија водеше, Аргентина успеа до реми! (ВИДЕО)

„Гаучосите“ без најголемите ѕвезди Меси, Агуеро, Ди Марија, Икарди останаа непоразени.

Во Дортмунд, на „Сигнал Идуна Парк“ пред нешто повеќе од 45.000 илјади гледачи беше одигран пријателски натпревар помеѓу Германија и Аргентина кој заврши без победник (2:2). Дуел на повеќе повеќекратни светски шампиони кои во финалните мундијалски битки се сретнале трипати.

Германците беа далеку подобри во првото полувреме, уште во раната фаза дојдоа до предност. Во 16 минута Серж Гнабри реализираше за водство, а шест минути подоцна истиот играч му асистираше на Хаверц за зголемување на позитивата.

После одличната партија против Тотенхем, овој меч повторно покажа дека Гнабри е во феноменална форма. Во 31 минута можеше да се најави уште поголема катастрофа на гостите, но за нивна среќа М. Халстенберг ја погоди пречката.

Во вториот дел „гаучосите“ намалија преку Лукас Аларио (66`) а во самиот финиш од средбата среќно стигнаа и до израмнување. Ударот на Лукас Окампос го промени правецот, тоа го измами германскиот голман за целосно враќање на Аргентинците кои и без најголемата ѕвезда Меси не дозволија да бидат поразен во оваа фудбалска класика.

Не само без играчот на Барселона, селекцијата на Аргентина на овој дуел беше „ослабена“ уште без Агуеро, Ди Марија, Икарди…

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close