Кишида и Шмигал на заедничка конференција во Јапонија за економска обнова на Украина

Кишида и Шмигал / Фото EPA-EFE/ISSEI KATO / POOL

Во Јапонија се одржува конференција за економска обнова на Украина по руската воена инвазија, на која учествуваат јапонскиот и украинскиот премиер, Фумио Кишида и Денис Шмигал.

Јапонија ја поддржуваше и продолжува да ја поддржува Украина, истакна Кишида на форумот.

Тој најави дека Јапонија преговара со Украина за склучување билатерален инвестициски договор, но не откри детали. Двете земји веќе постигнаа договор за избегнување на двојното оданочување.

Јапонија се обврза да и обезбеди на Украина финансиска помош во износ од повеќе од 10 милијарди долари. Токио не може да му обезбеди оружје и муниција на Киев, бидејќи законодавството на азиската земја не дозволува извоз на оружје

За време на конференцијата во Токио, околу 50 јапонски компании потпишаа договори за соработка со украински компании во секторот земјоделство, енергетика и изградба и одржување на инфраструктурни објекти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот