Кирјос повторно провоцира: Никогаш не би играл дубл со Ѓоковиќ
Лошото момче на светскиот тенис, Ник Кирјос повторно упати отровни стрели кон Новак Ѓоковиќ. Кирјос без никаква причина, како што прави во последно време, повторно зборуваше за Новак Ѓоковиќ и тоа го стори во подкаст на кој го изнесе своето мислење кој е најдобриот тенисер на сите времиња.
– За мене Федерер и Мајкл Џордан. Тоа што тој го направи за тенисот е неверојатно, уникатно. Мислам дека децата највеќе му се воодушевуваат на Федерер. Кога Швајцарецот ќе замине во пензија, тенисот ќе претрпи голема штета на економски план – вели Кирјос кој потоа го спомна и Ѓоковиќ.
– Без Федерер немаше да ги има ниту Ѓоковиќ ниту Надал. Тоа што сега се тие двајца е благодарение на нивната желба да го победат Рожер. Федерер е најдобар на сите времиња и неговиот стил го копираат другите. Сите му се воодушевуваат на Федерер. Никој не игра како Новак. Дури и доколку Новак освои повеќе грен слем титули,мислам дека Федерер ќе продолжи да напредува во трката за најдобриот на сите времиња. Новак е крал на србија, зборуваме за еден од најдобрите тенисери во историјата. Еј Новак, дали сакаш заедно да играме дубл на Австралија Опен? Се шегувам, никогаш би сторил такво нешто – вели Кирјос.