Кирјос не може без драма, го чека Надал (ВИДЕО) – Слободен печат
ОстанатoСпорт

Кирјос не може без драма, го чека Надал (ВИДЕО)

Австралиецот Ник Кирјос во пет сета го совлада сонародникот Џордан Томпсон и на свој начин воедно ја забавуваше публиката во Лондон.

Кирјос паѓаше по требата, но и по мрежата, покажуваше нервоза, иронично аплаудираше кон публиката, зборуваше во себе гласно, сето тоа како да го деконцентрираше неговиот ривал.

Водеше Кирјос со 2:1, па во четвртиот сет како да не му се играше, па со голема леснотија без ниту еден освоен гем му го препушти на Томпсон за израмнување.

Но, во решавачкиот петти сет на психички план падна Томпсон, а Кирјос тоа го искористи за конечни 7:6, 3:6, 7:6, 0:6 и 6:1. Кирјос во второто коло се очекува да се сретне против Рафаел Надал кој ја има фаворитската улога против Јуичо Сугита.

Сем Квери приреди големо изненадување на вториот ден на грен слем турнирот „Вимблдон“ совладувајќи го петтиот носител, Австриецот Доминик Тим со 6:7, 7:6, 6:3 и 6:0. Во другите средби во машка конкуренција успешни до сега беа Де Минаур, Еванс, Џонсон, Нишикори, Басилашвили, Багдатис, Беретини, Симон и Нори.

Кај жените победи забележаа Синиакова, Дарт, Ван Ујтванк, Ванг К., Мертенс, Никулеску, Стрицова, Канепи, Стивенс, Дејвис, Линет, Кербер, Ванг Ј., Зигемунд, Бенчиќ, а првата носителка Барти со 6:2 и 6:2 ја совлада Женг.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close