Претседателот на Меѓународниот олимписки комитет (ИОК), Томас Бах, денеска изјави дека со Олимпискиот комитет на Кина е договорено да се обезбедат дополнителни дози на вакцини против коринавирус за учесниците на Летните олимписките игри во Токио, како и за Зимските ОИ во Пекинг.
– ОИК доби љубезна понуда од Кинескиот олимписки комитет, домаќинот на Зимските олимписки игри во Пекинг 2022 година, да ни обезбеди дополнителни дози на вакцини за учесниците на ЛОИ во Токио и ЗОИ во Пекинг – изјави Бах.

Игрите во Токио ќе се одржат под строги здравствени протоколи и без навивачи од странство, а ИОК ги повика националните олимписки комитети да ги вакцинираат спортистите. Прв кој ја прифати понбдата на ИОК е Олимпискиот комитет на САД кој денеска објави дека сите нивни спортисти ќе бидат вакцинирани.
– ИОК ќе ги плати дополнителните дози на вакцини не само за олимиските туку и за параолимписките игри. Ветив дека ќе се потрудам што повеќе учесници на Игрите да бидат вакцинирани пред пристигнувањето во Токио. Сега можам да кажам дека значитечен број на спортисти веќе се вакцинирани во согласност со мерките кои важат во нивните држави – изјави Бах.
Олимписките игри во Токио ќе се одржат од 23 јули до 8 август годинава.