Научниците неодамна открија молекула која убива габи – толку добра во својата работа, што го доби името по омилениот холивудски актер, Кијану Ривс.

Наречени кеанумицини (keanumycins), молекулите се неверојатно моќни против габите кои ги инфицираат луѓето. Ова е ново и многу важно оружје против габите, бидејќи моментално арсеналот на овој тип убијци на габите е многу ограничен.

Според истражувачите, тие биле именувани по Ривс бидејќи, исто како и молекулите, и тој е крајно смртоносен во своите улоги.

Сега, Кијану Ривс одговори на оваа посебна чест која му ја доделија научниците, посочувајќи дека да се биде овековечен во научната заедница е прекрасно, но дека тој не е безмилосниот убиец што го игра во филмовите.

„Здраво, благодарам. Требаше да ја наречат Џон Вик, но тоа е прилично кул и надреално за мене. Но, благодарам научници! Среќно, и ви благодариме што ни помагате“, искоментира Кијану во објавата на „Reddit Ask Me Anything“.