Кичевчанц оставил 5.000 капар во гостиварска продавница, но пријавил дека ниту му ги вратиле парите, ниту му го дале производот што сакал да го купи, соопшти полицијата.

„На 02.10.2024 во 16.40 часот во ОВР Гостивар, 35-годишник од Кичево пријавил дека бил измамен од едно лице од Гостивар за сума од 5.000 евра. Според пријавеното, во јуни 2024 година тој отишол во продажен објект во Гостивар и од лицето побарал да купи одреден производ, но бидејќи моментално го немале производот, му оставил капар од 2.000 евра за што му била издадена потврда и се договориле во најбрз можен рок да го набави производот. Како што е пријавено, лицето потоа му се јавило и побарало уште 3.000 евра, кои тој му ги дал преку друго лице. Според пријавеното, ниту му бил испорачан производот, ниту му биле вратени парите“, велат од МВР.

Се преземаат мерки за расчистување на случајот.