Ќе има ли договор за брзи избори?

Изборниот датум за Мицкоски е квиз, а за Спасовски реалност во Уредбата.

Додека власта се подготвува за избори од опозициската ВМРО-ДПМНЕ со став дека се подготвени за компромис, но само доколку СДСМ понуди нови аргументи. И од двете партиите велат дека евентуално новата, трета по ред, лидерска средба е во рацете на шефот на државата Стево Пендаровски. Но затоа пак за уредбата за изборите имаа сосема спротивни ставови.

Според премиерот Оливер Спасовски датумот на изборите е во уредбата со законска сила која има важење до завршување на вонредната состојба.

-Во оној момент кога ќе заврши вонредната состојба за 22 дена треба да се одржат избори во Македонија. Тоа е фактичката состојба. Жалам што сме единствена држава во светот без функционален парламент. Ако имавме функционален парламент тогаш изборите ќе можеа да се одложат, тогаш кога ќе се договореа политичките партии, политичките лидери. Јас очекувам дека во рамките на она што ни е законска можност ќе има дијалог и преку дијалог ќе дојдеме до конечен ден за одржување на изборите, сите заеднички, бидејќи тоа е добро за државата. Нема додворување спрема граѓаните поради политички поени бидејќи со тоа го ризикувате здравјето и живот на граѓаните. Мора да бидеме принципиелни а изборите да бидат во оној момент во кој имаме најмногу створени услови за да се одржат, вели Спасовски.

Прочитајте и...  Лондонската полиција на нозе, африкански сервал побегна од квартот на милјардерите

Од друга страна пак, лидерот на ВМРО-ДПМНЕ Христијан Мицкоски различно ја чита владината уредба за престанокот на изборните дејства. Тој денеска изјави дека кога власта се повикува на неа, е лицемерна.

-Ако Владата е чесна во намерите и во ветувањата кои се дел од вториот и третиот сет на мерки, тогаш избори не можат да се случат 60 дена од престанокот на вонредната состојба, што значи ако вонредната состојба прекине на 30 мај најкасно до 30 јули избори не може да има. Втората варијанта е дека не ја говорат вистината и се лицемерни и повторно за жал ги лажат граѓаните. Во неколку наврати кажавме дека сме тука подготвени за компромис. Нашите аргументи и позиции се јасни и доколку имаат други аргументи кои ние навистина би можеле да ги прифатиме подготвени сме за компромис. Со ултиматум не работиме или 21 јуни или нема избори без опозицијата, слободно нека им се со среќа, рече Мицкоски.

Прочитајте и...  Образовна ТВ-серија за учење англиски јазик наменета за средношколци и студенти

На новинарско прашање да биде попрецизен во одговорот за изборен датум Мицкоски со следниот одговор.

-Видете ние сега не сме на квиз. Ви го кажав своето мислење мислам дека бев прилично јасен и прецизен, рече лидерот на ВМРО-ДПМНЕ.

Периодот на одржувањето на изборите и двете партии го врзуваат со пандемијата предизвикана од Ковид 19. Спасовски и министерот за здравство Венко Филипче сметаа дека состојбата со Ковид 19 е под контрола и дека во понатамошниот период може да има намалување на бројката на заболени од корона вирус.

-Зошто сега сметаме дека ситуацијата е повеќе под контрола отколку во есен? Затоа што  се уште се присутни ефектите од оние рестрикции на движењето, на карантинот, не работат градинките, училиштата, а затворени се и границите. Сите овие три фактори наесен плус надополнети со вообичаениот сезонскиот грип може значително да ја комплицира ситуацијата. Такви се предвидувања не само на СЗО туку и на многу други земји кои ги подготвуваат здравствени системи исто како што и ние правиме со планирање на овие сериозни инвестиции за да дочекаат еден друг бран кој што може да биде и многу поголем. Токму затоа апсолутно стојам зад тоа дека доколку се почитуваат мерките било што за што тие мерки се препишани и препорачани од Комисијата за заразни болести можат безбедно да се одржат изборите. Што значи почитување на марките, граѓаните да се свесни дека мора да се придржуваат до нив, вели Филипче.

Прочитајте и...  Најавено отворање на белгискиот аеродром Шарлероа од 15 јуни

Од друга страна Мицкоски со сосема спротивен став за здравствената ситуација и одржувањето на изборите во близок период. Додека според опозицискиот лидер, Коронавирусот е главната пречка за брзи избори, неговата партија ВМРО-ДПМНЕ води кампања „Летувајте во Македонија“.

Носителите на избирачките листи ги промовираат градовите и селата каде би можеле македонските граѓани наместо надвор да летуваат дома.

Прочитај повеќе

Димитров ќе земе учество на конференција на Советот на Јадранско–јонската иницијатива

Слободен печат

„Излегувај надвор“- Жена без маска грубо избркана од маркет од купувачите (ВИДЕО)

Слободен печат

Венецуела со авиони ловци ги штити петте иранските танкери

Слободен печат

Еваристе Ндајишимије избран за претседател на Бурунди

Слободен печат

Филипче: Само со придржување до мерките може постепено да се враќаме во нормала, алтернатива на тоа е строга рестрикција

Слободен печат

Италијанската полиција уапси 10 припадници на мафијата „Ндрангета“

Слободен печат

Остави Коментар

Прочитај повеќе

Расте бројот на деца кои живеат во сиромаштија – ќе се зголеми на 672 милиони

Слободен печат

Кофинансирани грантови за технолошки развој за надминување на последиците од КОВИД-19

Слободен печат

Бугарите атакуваат и на српскиот јазик: Во времето кога се формирал српскиот јазик Бугарите не беа Словени

Слободен печат

ВМРО-ДПМНЕ: Македонија иако имаше ригорозни мерки не се справи со вирусот

Слободен печат

Гренел: САД подготвуваат нови санкции за Северен поток -2

МИА Агенција

Финансиска поддршка за април и мај ќе добијат филмските работници и тие што останале без работа

Слободен печат