Фудбалската федерација на Македонија денеска официјално потврди дека бараж-натпреварот за пополнување на местото во Првата македонска фудбалска лига меѓу екипите на Беса и Башкими ќе се игра на неутрален терен во Чаир.

Натпреварот е закажан за сабота, 25 мај, со почеток од 17:00 часот. За Беса ова ќе биде шанса да обезбеди опстанок меѓу најдобрите, додека Башкими како третопласиран тим од Втората лига ќе се обиде да дојде до друштвото на најдобрите.

ФФМ ги соопшти и паровите за баражите за пополнување на Втората лига (ВМФЛ), кои ќе се играат в сабота од 17:00 часот:

• Преспа – Слога (Тренинг центар „Петар Милошевски“ во Скопје)

• Шкендија Арачиново – Осогово (Стадион во Чаир)

• Тетекс – Горно Коњаре (Стадион Ѓорче Петров)