Легендарниот Фабио Капело го повика Џенаро Гатузо да „ги почека следните два натпревари“ пред да донесе одлука дали ќе поднесе оставка од селекторската функција на Италија.

„Плативме цена поради грешка на еден фудбалер“, изјави Капело.

Ќе потсетиме, катастрофалниот пораз на Италијанците во Зеница од Босна доведе до трето последователено отсуство на Италија од Светското првенство, кое летово ќе се одржи во Соединетите Американски Држави, Канада и Мексико.

По поразот во Зеница, претседателот на Италијанската фудбалска федерација, Габриеле Гравина, поднесе оставка, како и шефот на делегацијата Џанлуиџи Буфон.

Се очекува и Гатузо да го следи нивниот пример, но поранешниот селектор на Англија и Русија, Капело, го охрабрува да ја одложи одлуката до јуни.

„Би ги почекал следните два натпревари пред да донесам каква било одлука за Гатузо“, изјави Капело за италијанските медиуми и додаде:

„Да не заборавиме дека ја презеде репрезентацијата со веќе започнат квалификациски циклус под водство на Лучано Спалети, а успеа да внесе карактер и решителност во тимот. За жал, и жално е да се каже, но плативме цена поради елементарна грешка на еден играч“.