Американската кантри пејачка Кејли Шор (25), на социјалните мрежи објави дека е заразена од коронавирус, иако изминативе три недели излегувала само до продавница.

Пејачката е доказ дека опасниот вирус против кој се бори цел свет е болест која „не бира“, а своето искуство го сподели на социјалните мрежи.

„И покрај тоа што бев три недели во карантин (освен што одев до продавница по намирници), успеав да се заразам од Ковид 19. Се чувствувам значајно подобро, но ова е доказ колку е вирусот опасен и заразен. Бескрајно фрустрирачки е да се видат луѓе кои ова не го сфаќаат сериозно“, напиша пејачката на Твитер.

Despite being quarantined (except for a handful of trips for groceries) for three weeks, I managed to contract COVID 19. I'm feeling significantly better, but it's proof how dangerous and contagious this is. It's endlessly frustrating to see people not taking this seriously.

— Kalie Shorr (@kalieshorr) March 30, 2020

Кејли откри дека најлошо се чувствувала на почетокот, кога ги чувствувала симптомите на вирусот.

„Првите неколку денови беа ужасни. Никогаш порано не сум се чувствувала така. Целото тело ме болеше, а грозницата беше како да сурфам на некој бран. Ги загубив сетилата за вкус и мирис“, објасни таа.