Поради зголемување на бројот на случаи на коронавирусот, властите на Британска Колумбија во Канада наредија затворање на сите ноќни клубови, додека во Онтарио се одложи олеснувањето на преостанатите рестриктивни мерки воведени за спречување на ширењето на Ковид-19.

До зголемување на бројот на нови случаи дојде по отворање на училиштата кои беа под клуч повеќе од пет месеци. Во последните 24 часа, бројот на нови случаи во канадската покраина се зголеми за 1.606, што го зголеми вкупниот број на заболени во земјата на 133.748.

Досега од Ковид-19 починале 9.153 лица во Канада

– Оваа недела е навистина многу критична. Ова е многу загрижувачко, бидејќи кога ќе се појави зараза во училиште, тоа е само одраз на она што се случува во заедницата, изјави шефицата на Канадската служба за јавно здравје, Тереза Там.