Македонската пејачка Калиопи која вечерва требаше да одржи концерт во салата МТС во Белград го одложи истиот откако на една жена во публиката и се слоши и за жал почина, пишуваат српските медиуми.

Госпоѓата која пристигнала на концертот со другарките и ќерката, наеднаш изгубила свест и колабирала, поради што веднаш била повикана брза помош.

На несреќната жена која има околу 70 години и е извршена реанимација, но безуспешно.

Медиумите наведуваат дека Калиопи е многу потресена и дека со солзи излегла од салата и концертот веднаш бил прекинат.

Публиката потоа ја напуштила салата.

Полицијата е на лице место и врши увид.

Според српски „Курир“, концертот се одложува за декември.