Чеченскиот лидер Рамзан Кадиров на Телеграм напиша дека по завршувањето на војната во Украина, Русија треба да изврши „денацификација и демилитаризација” на Полска.

„Со поддршката на Украина, Варшава успеа да ги исцрпи сопствените воени ресурси и сега е збунета: што ако, по успешното завршување на специјалната воена операција, Русија почне со денацификација и демилитаризација на следната земја? Впрочем, по Украина на мапата е Полска! Нема да кријам дека јас лично имам таква намера“, напиша Кадиров.

Кадиров вели дека западот „ќе клекне“ и ќе ги препознае своите грешки, и според него пред крајот на годинава ќе запре војната во Украина.

Тој смета дека Русија треба да помогне во организацијата на „референдум“ за автономија на Шлезија, од која најголемиот дел е дел од Полска.

Ова не е прв пат Кадиров да ѝ се заканува на Полска, која е членка на НАТО. Според Кадиров, полските власти започнале „лоши игри“ со Русија, откако пренесуваат оружје во Украина и наводно испраќаат платеници.

Чеченскиот лидер е познат по своите изненадувања и “испади“ на социјалните мрежи. Тој пред 3 месеци објави видое на твитер во кое ги повикува „сите муслимани и припадници на кавкаскиот народ да почнат света војна“ во Украина.

Сонувам да умрам во оваа војна, и јас и моите деца“, вели Кадиров во видеото.

Kadyrov again has an aggravation of his mental disorders

This time Don Don calls on all Muslims and Caucasians, to go to a "holy war". Don added that he "dreams of dying in this war, so that his children will die in this war too."

Can someone already help him fulfill his dream? pic.twitter.com/jxqnPBny9f

— NEXTA (@nexta_tv) November 10, 2022

ВИДЕО | „Сакам да умрам… и јас, и моите деца“: Рамзан Кадиров објави бизарна снимка