Јуниор учи од најдобриот, Роналдо ја одржува формата во карантин (ВИДЕО)
Ѕвездата на „Старата дама“ не може веднаш да се вклучи во индивидуалните тренинзи во тренинг центарот на својот клуб…
Како што е веќе најавено, возбудувањата во Серија А ќе се вратат на 13 јуни, а играчот на Јувентус вредно работи и во домашна изолација.
Еден од најискусните играчи на актуелниот италијански шампион пред неколку дена се врати во Торино, откако тамошната Влада даде „зелено светло“ за почеток на тренинзите.
Но, ѕвездата на „Старата дама“ не може веднаш да се вклучи во индивидуалните тренинзи во тренинг центарот на својот клуб, односно прво мора да помине 14 дена во карантин, откако скоро два месеци беше во неговата Мадеира.
Португалецот на секаков начин се обидува да ја одржи формата пред продолжувањето на сезоната во Италија.
Напаѓачот на Јуве тренира и во својот двор каде што му помагаше неговиот најстар син, Кристијано Јуниор.