Во рамките на одбележувањето на месец мај како месец за микрочипирање на милениците, ЈП „Лајка“ преку своја кампања ќе се обиде да ја истакне важноста од микрочипирање на домашните миленици.

– Микрочипот обезбедува сигурна и трајна идентификација, што во голема мера ја зголемува веројатноста доколку вашиот домашен миленик се изгуби, да биде вратен во својот дом. Микрочипот кој е најдобриот начин да ги обединат повторно милениците со нивните сопствени. Микрочипот ја извршува својата функција само доколку е регистриран со ажурирани информации во базата на податоци за домашни миленичиња, како за миленикот така и за сопственикот – велат од ЈП „Лајка“.

Согласно одредбите на Законот за заштита и благосотојба на животите сопствениците на кучиња и мачки имаат обврска да го идентификуваат и регистрираат својот домашен миленик.

– Во таа насока, преку оваа кампања прифатилиштето на ЈП „Лајка“ има за цел да ја подигне јавната свест за градење на култура на одговорно сопствеништво и грижа за благосостојбата на кучињaта – објаснуваат од претпријатието.