Јапонија ја надмина Кина во јуни како најголем странски сопственик на американски државни хартии од вредност.

Од мај годинава, Јапонија додаде на своето портфолио на американски должнички хартии од вредност и сега располага со околу 21 милијарди американски долари, со што вкупната вредност на овие средства се искачува на највисоко ниво од октомври 2016 година.

Јапонија сега има 1,12 илјада милијарди долари вредни американски државни хартии од вредност, а пак Кина има 1,11 милијарди долари вредни американски државни хартии од вредност, според Министерството за финансии на САД.

Кина веќе не е „агресивен купувач“ на суверениот долг на САД, а пазарните играчи шпекулираат дека една од акциите што Пекинг би можела да ги преземе во трговска војна со Вашингтон би можела да биде продажба на суверени обврзници во САД. Сепак, трговците на берзата велат дека нема знаци за тоа да се случи.

Обединетото Кралство е трет по големина сопственик на американскиот долг со 342,3 милијарди американски долари во јуни, пораст од 323,1 милијарди американски долари од претходниот месец.