Ја освои и Франција, Димитријевиќ со „магичен“ момент во Еврокупот! (ВИДЕО)
Во второто коло од натпреварите во Еврокупот, Хувентуд гостуваше во Франција, а противник им беше екипата на Бург. По израмнетото прво полувреме гостите од Бадалона стигнаа до сигурен триумф од 84:77.
Тоа е втора победа за шпанскиот клуб на отворањето на европската сезона, во првата рунда беше подобар од белградски Партизан.
За 19:08 минути на паркетот, македонскиот кошаркар Ненад Димитријевиќ реализираше девет поени (1/5 за три, 3/5 од поле и 0/2 од слободните фрлања), додаде седум асистенции (втор асистент во неговата екипа) и три скока.
.@Penya1930, Dimitrijevic throws the lob pass to @SimonBirgander?#7DAYSMagicMoment pic.twitter.com/vFvAWMqQaM
— 7DAYS EuroCup (@EuroCup) October 7, 2020
Хувентуд има максимален ефект (2-0) и моментно е на првото место во групата. Го следат четири екипи, Партизан, Уникс, Венеција и Бург со биланс 1-1, додека турскиот претставник Бахчешехир Колеји засега е без победа.
Еврокупот воедно одвои една од асистенциите кои ги имаше нашиот репрезентативец, односно прекрасниот „цепелин“ до шведскиот интернационалец Симон Биргандер.