Владата, министерствата и Агенцијата за стокови резерви во Словенија, иако во вонредни околности, беа неефикасни во набавката на медицинска и лична заштитна опрема (ППЕ) за борба против ширењето на новиот коронавирус, се посочува во извештајот на Ревизорскиот суд, јави агенцијата СТА.

Во извештајот се вели дека покрај Владата и Агенцијата, министерствата за здравство, економија и одбрана се неефикасни, а Ревизорскиот суд побарал од владата и агенцијата да преземат корективни мерки.

Судот во извештајот наведува дека ги зел предвид вонредните околности во кои работеле субјектите за време на набавката на лична заштитна опрема и медицинска опрема, но утврдил дека постапките за јавни набавки не биле спроведени во согласност со принципите на транспарентност, ефикасност и еднаков третман на добавувачите. Исто така, одредени постапки биле некомпатибилни со прописите и другите законски акти.

Како последица на тоа, во извештајот е наведено дека несоодветна опрема од стоковите резерви е дистрибуирана до одредени корисници.