Туристи што пловеле со брод северно од Лефкада, на рутата кон Паксос, биле сведоци на ретка морска сцена – пет китови излегле на површината во Јонското Море.

@seminakaridi Βόρεια της Λευκάδας προς Παξούς *** (έγινε ένα λαθάκι) #φάλαινες #whales #Ιόνιο #Λευκάδα #Παξοί ♬ original sound – avatar &lt3

Снимки од необичната средба беа објавени на социјалните мрежи. Луѓето што биле таму ги слушнале и препознатливите звуци што ги испуштаат овие морски цицачи, за кои експертите велат дека најверојатно служат за меѓусебна комуникација.

Станува збор за китови од видот кашалоти, кои се најголемите китови со заби и во грчките води се присутни во текот на целата година.

Како врвни предатори, тие имаат значајна улога во морскиот екосистем, но се соочуваат со повеќе закани, меѓу кои поморскиот сообраќај, судирите со бродови, загадувањето и намалувањето на изворите на храна.

Популацијата на кашалоти во Средоземното Море се проценува на само 150 до 190 единки, а овој вид се смета за загрозен.

ВИДЕО | Тревога во Грција: Украински поморски дрон пронајден во пештера кај Лефкада