ВИДЕО | Хит-снимка: Ѓоковиќ со ќерката Тара и евровизиската победничка Дара заиграа на „Бангаранга“
Победничката на „Евровизија“, Дара од Бугарија, се сретна со српскиот тениски ас Новак Ѓоковиќ и со неговата ќерка Тара.
Препорачано
Сè се случило многу спонтано, а средбата не можела да помине без познатиот танц на песната „Бангаранга“, кој Ноле неодамна го изведе со малата Тара.
Дара ги сподели впечатоците од нивната средба на „Инстаграм“ и оти ја смета за „судбинска“.
View this post on Instagram
– Колку е мал овој свет. Кога судбината ќе проговори, ја слушаш… и почнуваш да танцуваш Бангаранга. – Вчера сосема случајно го запознав на Новак во текот на вечера, сосема неочекувана средба, но некако се чинеше како да било судено да се случи – рекла победничката на Евровизија.
Дара, чие целосно име е Дарина Јотова, со песната „Bangaranga“ победи на 70. издание музичкиот натпревар Евровизија, што се одржа во мај во Виена.
Дара уште од детството се занимава со музика и изучува фолклорно пеење. Својата кариера пред пошироката публика ја започна во 2015 година, кога учествуваше во музичкото шоу „Икс фактор“ во Бугарија, каде што стигна до финалето и го освои третото место. Нејзин ментор тогаш беше бугарскиот музичар Криско. На почетокот на 2026 година Дара беше избрана за бугарска претставничка на Евровизија, откако победи на националниот избор и кај жирито и кај публиката.
