Двајцата најголеми фудбалери на модерната ера ги поместуваа границите во речиси секој сегмент од играта, но постојат натпреварувања во кои ниту Меси ниту Роналдо сè уште не успеале да постигнат хет-трик.

Ривалството меѓу Лионел Меси и Кристиано Роналдо веќе речиси две децении го дели фудбалскиот свет. Тие се споредуваат според бројот на голови, трофеи, асистенции и освоени „Златни топки“, а сега е интересно да се погледне и една поретко споменувана статистика – хет-триковите.

Аргентинецот на отворањето на Светското првенство против Алжир конечно стигна до својот прв хет-трик на мундијалите, со што му се придружи на својот најголем ривал, кој тој подвиг го оствари уште во 2018 година против Шпанија.

Сепак, кога станува збор за вкупниот број на хет-трикови, предноста и натаму е на страната на Португалецот.

Роналдо и понатаму води

Кристијано Роналдо во текот на кариерата постигна дури 66 хет-трикови во дресовите на клубовите и репрезентацијата, додека Меси моментално е на бројката од 61.

И двајцата постигнувале по три или повеќе голови на речиси сите големи натпреварувања на кои настапувале. Хет-трикови бележеле во домашните првенства, националните купови, Лигата на шампионите и на Светските првенства.

Сепак, постојат и натпреварувања во кои ниту еден од нив не успеал да оствари таков учинок.

Што уште му недостига на Меси?

Иако во кариерата освои речиси сè што можеше да се освои, Меси никогаш не постигнал хет-трик во неколку натпреварувања.

Тоа се:

Суперкуп на Европа
Светско клупско првенство
Лига 1
Куп на Франција
Лига куп на Франција
Суперкуп на Франција
Лига куп на МЛС
Куп Кампеонес
КОНКАКАФ Лига на шампиони
Олимписки игри

Особено е интересен податокот што за време на престојот во ПСЖ не запиша ниту еден хет-трик, па француските натпреварувања му останаа неосвоени во тој статистички сегмент.

Што уште му недостига на Роналдо?

Од друга страна, ниту Роналдо не успеал целосно да ја комплетира својата колекција.

На Португалецот му недостигаат хет-трикови во:

Суперкуп на Европа
Суперкуп на Шпанија
Куп на Италија
ФА куп
Лига куп на Англија
Суперкуп на Италија
Комјунити шилд
Куп на Саудиска Арабија
Азиска Лига на шампиони
Европско првенство

Можеби најинтересниот податок е тоа што Роналдо, и покрај бројните рекорди со репрезентацијата на Португалија, никогаш не постигнал хет-трик на Европско првенство во фудбал.

Ривалство што не запира

Меси и Роналдо и во четвртата деценија од животот продолжуваат да го прават она што го правеа во текот на целата кариера – да уриваат рекорди и да испишуваат историја.

Љубителите на фудбалот веќе сонуваат за нов спектакл, бидејќи ждрепката за Светското првенство отвори можност за четвртфинален дуел меѓу Аргентина и Португалија.

Доколку се оствари такво сценарио, Меси и Роналдо би можеле уште еднаш да покажат зошто светот и понатаму ги споредува – во сè, па и во хет-триковите.

ВИДЕО | Мундијалски вести: Меси испиша историја, Халанд со два гола и донесе победа на Норвешка