Скандал: фудбалер кој игра на Светското првенство бил уапсен за местење натпревари
За време на Светското фудбалско првенство се појави голем скандал, во кој е вмешан репрезентативецот на Брегот на Слоновата Коска, Ели Ваи.
Препорачано
Напаѓачот на Брегот на Слоновата Коска, кој игра за францускиот клуб Ница, беше уапсен на 29 мај, непосредно пред Светското првенство, под сомнение за вмешаност во местење натпревари.
Според Атлетик, тој е под истрага под сомнение за намерно добивање жолт картон за време на натпреварот Ница-Мец на 17 мај во француската Лига 1.
Ваи бил уапсен кратко откако постигна два гола во победата на Ница над Сент Етјен, а по испрашувањето бил ослободен, додека истрагата продолжува.
Портпаролот на канцеларијата на јавниот обвинител на Марсеј потврди дека Ели Ваи е уапсен како дел од истрагата за организирана измама, спортска корупција, прикривање на приходи од криминал и перење пари.
Овој скандал беше прикриен околу 10 дена, Ели Вахи патуваше со националниот тим во САД и беше во почетниот состав за првиот натпревар на Брегот на Слоновата Коска против Еквадор, каде што неговата репрезентација славеше со резултат од 1:0.
Ваи доби жолт картон во 35 минута од контроверзниот натпревар кој е под истрага за доцнежен старт врз дефанзивецот на Мец, Садибу Сане.
Истиот извор исто така наведува дека Ваи не е единствениот играч на Светското првенство кој е пријавен за сомнение за вмешаност во местење натпревари.
