Денот на одржување на претседателските избори, 24 април 2024 година (среда) и на парламентарните избори, 8 мај 2024 година (среда) се неработни денови за сите граѓани на Македонија. Работодавците во овие денови не треба да извршуваат дејност со исклучок на оние работодавци каде работните процесите заради својата природа не можат да се прекинат, соопшти Државниот пазарен инспекторат (ДПИ).

Од ДПИ потсетуваат дека овие денови се неработни согласно Заклучокот на техничката Влада, донесен на шеснаесеттата седница одржана на 16 април 2024 година.

-За наведените денови Државниот пазарен инспекторат ќе воведе дежурства и преку државните пазарни инспектори ќе контролира дали Заклучокот на техничката Влада се почитува од страна на работодавците, се вели во соопштението од ДПИ.