Врховниот водач на Иран, Али Хамнеи, го именуваше генералот Исмаил Кајани како нов командант на единицата „Кудс” на Иранската револуционерна гарда (ИРГЦ), по убиството на досегашниот ирански генерал Касем Сулејмани.

Касем Сулејмани беше убиен во петокот по наредба на претседателот на САД, Доналд Трамп.
Новиот командант досега бил земеник на Сулејмани, објави иранската новинска агенција ИРНА.

Тој исто така бил предводник на Бригадата Наср-5 и Имам Реза-21 во текот на војната Иран- Ирак.

Инаку Пентагон го обвинуваше Сулејмани дека планира да изврши напади врз американски дипломати и персонал во Ирак и во регионот, тврдејќи дека убиениот водач е одговорен за смртта на стотици Американци.

Генералот Сулејмани важеше за близок соработник на иранскиот верски водач, ајатолах Али Хамнеи и се сметаше за можен иден ирански лидер.